Sýnendur - Freyjumyndir

Anna Gunnarsdóttir

Arnar Ómarsson í samvinnu við Sean Millington

Bryndís Kondrup

Dagrún Matthíasdóttir

Erika Lind Isaksen

Georg Hollanders í samvinnu við Ívar Hollanders og Viktor Hollanders

Guðbjörg Ringsted

Guðný Kristmannsdóttir

Guðrún Hadda Bjarnadóttir

Guðrún Pálína Guðmundsdóttir

Hallgrímur Ingólfsson

Hanna Hlíf Bjarnadóttir

Hlynur Hallsson

Hrefna Harðardóttir

Hjördís Frímann

Jón Laxdal Halldórsson

Kjartan Sigryggsson

Kristján Pétur Sigurðsson

Laufey Pálsdóttir

Ólafur Sveinsson

Ragnheiður B. Þórsdóttir

Rósa Kristín Júlíusdóttir

Sigríður Ágústsdótti

Sunna Valgerðardóttir

Sveinbjörg Hallgrímsdóttir

Þorsteinn (Steini ) Gíslason

Þórarinn Blöndal

Freyjumyndir

Á Akureyri í sumar verður samsýning eyfirsks listafólks þar sem þemað er Freyjumyndir og er hún hluti af viðburðaröðinni Vitið þér enn – eða hvað? sem haldin er á vegum Mardallar – félags um menningararf kvenna.

Viðburðaröðin hefst 24.maí 2009 og hápunktur hennar verður fjölþjóðleg ráðstefna í Hofi Menningarhúsi á sumarsólstöðum 2010. 

Hugmyndin að sýningunni er að Freyjurnar skjóti upp kollinum víðsvegar um bæinn.

Þær eiga að koma hljóðlaust inn á sumarsólstöðum 2009 og hverfa hljóðlaust á haustjafndægrum 2009. Engin formleg sýningaropnun verður, né lokun.

Hver listamaður finnur sér rými fyrir sína Freyju sem hæfir verkinu.

Eina skilyrðið er að hægt sé að sjá verkið á einhverjum ákveðnum tímum sem fram á að koma í sýningarskrá. Mikilvægt er að koma verkunum fyrir þar sem þau verða ekki fyrir skemmdum eða þjófnaði.

 

Vitið þér enn – eða hvað?

Viðburðaröð Mardallar um menningararf kvenna

 

Verkefnið er samstarfsverkefni félaga í Mardöll – félagi um menningararf kvenna, auk þess sem efnt er til samstarfs við einstaklinga, félög og stofnanir utan Mardallar. Markmið Mardallar er að endurvekja og rækta fjölþættan menningararf kvenna hér á landi, rekja rætur hans og finna farveg í nútímanum fyrir gamla visku. Mardöll er í tengslum við einstaklinga og hópa sem vinna að svipuðum markmiðum í þeim löndum sem rætur okkar liggja helst til, s.s. Norðurlandanna og Bretlands.

 

Viðburðaröðin hefst á sumarsólstöðum 2009 og stendur til haustjafndægurs 2010 undir yfirskriftinni Vitið þér enn – eða hvað? sem er tilvitnun í orð völvunnar í Völuspá.   

Völuspá greinir frá því þegar Óðinn kemur til völvunnar í öngum sínum. Ragnarök eru framundan, hann hefur misst tökin í veröldinni og leitar svara hjá henni um orsakir, stöðu og afleiðingar gjörða goðanna. Hún rekur fyrir honum söguna, minnir hann á uppruna sinn og það hvernig hann hefur gefið annað auga sitt fyrir völd og sér því ekki nema hálfan sannleikann og hvernig Heimdallur, sem vernda átti goð og menn hefur gefið annað eyra sitt. Hún minnir hann á hvernig hann tók þátt í að skapa stríð í veröldinni og valdatogstreitu, hvernig hann reyndi að myrða sjálfa Gullveigu (völvuna/gyðjuna) og hvernig goðin í blindu sinni gengu eitt sinn svo langt að ætla að greiða fyrir virkisvegg með því að selja bæði Sól, Mána og sjálfa Freyju. Og hún spyr hanna ítrekað: Vitið þér enn – eða hvað?

 

Með viðburðaröðinni vill Mardöll taka þátt í að endurheimta forn gildi, sem setja jafnvægi manneskju og náttúru, kvenna og karla, jarðar og himins í forgrunn. Endurheimta minni um þetta jafnvægi, sem hafa mikið til fallið í gleymsku, en sem enn búa í daglegum athöfnum, í sögnum, ljóðum, myndum, dansi, leik og tónlist, í náttúrunni, í óhefðbundnum lækningum, draumum, matargerð, handverki o.fl. Konurnar sem mynda Mardöll, búa allar á Eyjafjarðarsvæðinu, austan og vestan fjarðar, í þéttbýli og dreifbýli og því er Eyjafjörður vettvangur viðburðaraðarinnar, en þátttakendur koma víða hérlendis og frá nágrannalöndum okkar.